საპარლამენტო უმრვალესობაში ამბობენ, რომ არასაპარლამენტო და საპარლამენტო ოპიზიციის მოთხოვნა, რომ 2016 წელს არჩევნები პროპორციული სისტემით ჩატარდეს ვერ დაკმაყოფილდება.

ლევან ბერძენიშვილის თქმით, ამის მთავარი მიზეზი არის ის, რომ 2016 წლისთვის ეს ვერ მოესწრება, რადგან საკონსტიტუტციო ცვლილებებს ითვალისწინებს.

„ვართ კოალიციაში, სადაც გადაწყვეტილების მიღება ხდება კოლექტიურად. პოლიტიკაში შესაძლებლის ხელოვნებაზეა ლაპარაკი. ამ წუთას შესაძლებელია ის ორეტაპიანი გადასვლა საარჩევნო სისტემაზე, რომელიც შემოთავაზებულია. ამას მივაღწით კოალიციაში, არ იყო იოლი სხვათაშორის. გადავწყვიტეთ დავამაყოფილოთ საკონსტიტუციო სასამართლოს გადაწყვეტილება და მაქსიმალურად გავაუმჯობესოთ ის არჩევნები, რომელიც ახლა გვაქვს 50%-იანი ბარიერისა და ოლქების დავიწროების დახმარებით“, - განაცხადა ბერძენიშვილმა.

არასაპარლამენტო და საპარლამენტო ოპოზიცია მოითხოვს, რომ 2016 წელს არჩევნები ჩატარდეს პროპორციული სისტემით. ისინი მიმართავენ, უმრავლესობის წევრებს, რომლებიც თავის დროზე საარჩევნო სისტემის შეცვლას ითხოვდნენ, რომ გაიხსენონ თავისი მოთხოვნები და ხელისუფლებაში ყოფნის დროს მხარი დაუჭირონ ცვლილებებს.