დეპუტატი ზურაბ ჯაფარიძე ეროვნული ბანკიდან საზედამხედველო სამსახურის გამოყოფის ინიციატივას უარყოფითად აფასებს.

მისი თქმით, ეს ინიციატივა ბიძინა ივანიშვილის ინტერესებში შედის, რადგან მას სურს კომერციულ ბანკებზე კონტროლის დამყარება.

"ეროვნული ბანკის გამოშიგვნა ბიძინა ივანიშვილის პოლიტიკურ ინტერესებს უკავშირდება. მას სურს, რომ კომერციულ ბანკებზე კონტროლი დაამყაროს და სწორედ ამ მიზანს ემსახურება ეროვნული ბანკიდან საზედამხედველო სამსახურის გამოყოფის ინიციატივა. გასულ წლებში ეროვნული ბანკიდან გაიტანეს ფინანსური მონიტორინგის სამსახური, ფასიანი ქაღალდების ზედამხედველობა, სადაზღვევო კომპანიებზე ზედამხედველობა, რაც არის ცენტრალური ბანკის გამოშიგვნა და მის ფუნციებზე პოლიტიკური გავლენების მოპოვების მცდელობა“, - განაცხადა ჯაფარიძემ.