თუ იყო ბიზნეს-რეკეტი, მაშინ რომელიმე პროკურორს სარგებელი უნდა მიეღო

თუ იყო ბიზნეს-რეკეტი, მაშინ რომელიმე პროკურორს სარგებელი უნდა მიეღო - ადეიშვილი

პოლიტიკა - 22:54, 09 Jun, 2015

1309

ყოფილმა იუსტიციის მინიტრმა ზურაბ ადეიშვილმა „ნაციონალური მოძრაობის“ დროს ბიზნესის კუთხით არსებული მდგომარეობის შესახებ ისაუბრა. ადეიშვილის თქმით, 2004-ი წლის შემდეგ საქართველომ ბიზნესის განვითარებისთვის და კორუფციის დასამარცხებლად დიდი ნაბიჯები გადადგა, რა დროსაც შესაძლოა გარკვეული შეცდომები ყოფილიყო დაშვებული. ადეიშვილი აცხადებს, რომ თუ ვინმე „ნაციონალური მოძრაობის“ დროს ბიზნესზე განხორციელებული რეკეტის შესახებ საუბრობს, მაშინ უნდა არსებობდენ ადამიანები შესაბამის უწყებაში, ვინც კონკრეტული სარგებელი მიიღო რომელიმე საქმეზე.

"რაც შეეხება იმას, თუ როგორი იყო ბიზნესთან დაკავშირებული პრობლემები, 2004 წლამდე მთელი ეკონომიკიდან სიკეთეს იღებდა მხოლოდა 50 დან 100 ოჯახამდე, არ გროვდებოდა გადასახადები და შედეგი იყო ის, რომ საქართველოში არ იყო გზები, ელექტროენერგია, გზები, ხელფასები. ნორმალური ქვეყანა გულისხმობს იმას, რომ უნდა გროვდებოდეს გადასახადები. იყო მტკივნეული პროცესი და ამ პროცესში ბუნებრივია გვქონდა ჩვენც სირთულეები.

როდესაც ამბობენ, რონმ ბიზნესი წნეხის ქვეშ იმყოფებოდა, ჩნდება კითხვა, რატომ მოხდა ამ პოერიოდში საქართველოში ეკონომიკის სამჯერ გაზრდა? რატო მოხდა ის, რომ საქართველოში ყველაზე ადვილი არის ბიზნესის რეგისტრაცია? რატომ მოხდა ის, რომ პოსტ საბჭოთა სივრციდან ყველაზე ადვილი საქართველოშია საბაჟო პროცედდურების ჩატარება? რატომ არის საქართველოში ყველაზე ნაკლები ლიცნზიები და რეგულაციები? ჩვენ გადავდგით სერიოზული ნაბიჯი იმისთვის, რომ ბიზნესი ყოფილიყო თავისუფალი, მაგრამ ამავე დროს ამ პროცესში ბუნებრივია იყო გარკვეული შეცდომებიც. თუ ლაპარაკია რეკეტზე, რეკეტი არის, როდესაც აქვს ვინმეს პირადი გამორჩენა, თუ რომელიმე პროკურორს დაწყებული ჩემი ამ პროცესიდან მიღებული აქვს გარკვეული სიკეთე, ნებისმიერს შეუძლია დაინტერესდეს და ნახოს აღმოჩნდა თუ არა რამე ქონება რომელიმე ადამიანის ხელში,“-განაცხადა ზურაბ ადეიშვილმა.