ასეთი რამის დაუსჯელად დატოვება, ძალიან ცუდი იყო

ასეთი რამის დაუსჯელად დატოვება, ძალიან ცუდი იყო - ადეიშვილი ციხის კადრებზე

პოლიტიკა - 22:11, 09 Jun, 2015

2317

ეს იყო პოლიტიკური მანიპულაციის ერთ-ერთი იარაღი - ამის შესახებ ,,ნაციონალური მოძრაობის“ იუსტიციის მინისტრმა ზურაბ ადეიშვილმა ,,არჩევანისთვის“ მიცემულ ექსკლუზიურ ინტერვიუში ციხის სკანდალურ კადრებზე საუბრისას განაცხადა.

,,კადრები იყო ძალიან მძიმე, თუმცა მე არ გამოვრიცხავ, რომ მათი ნაწილი იყო დადგმული“. ადეიშვილი ციხის კადრებთან დაკავშირებულ თემას ხელისუფლების შეცდომას უწოდებს და ამბობს, რომ თუნდაც ის ფაქტი, რომ შესაძლებელი აღნიშნული კადრების ნაწილი დადგმული იყო, მიუთითებს, რომ სისტემაში სერიოზული პრობლემები იყო.

„ასეთი რამის დაუსჯელად დატოვება, ძალიან ცუდი იყო. ასეთი ფაქტები ყველა დახურულ სისტემას ახასიათებს, თუმცა მთავარი შეცდომა იყო ის, რომ ეფექტური მექანიზმები ვერ შევქმენით. ამიტომაც შეიქმნა ასეთი სისტემური პრობლემა,“ - განცხადა ზურაბ ადეიშვილმა და დასძინა, რომ საზოგადოებამ ვერ მიიღო პასუხი, რა დონის სისტემურ პრობლემასთან გვქონდა საქმე. აქედან გამომდინარე ნათლად ჩანს, რომ ეს იყო პოლიტიკური მანიპულაციის ერთ-ერთი იარაღი,“ - განაცხადა ზურაბ ადეიშვილმა.

ადეიშვილმა ისიც აღნიშნა, რომ მოცემულ საქმეზე დაკავებული 17 ადამიანიდან ახალი ხელისუფლების მოსვლის შემდეგ სათანდაოდ სასჯელი არცერთ მათგანს არ შეფარდებია.

,,თუ რამის შესახებ შეიძლება ითქვას ფაბრიკაცია, ეს არის ჩემს წინააღმდეგ აღძრული საქმე. ძნელად წარმოსადგენია რომ წამებაში მონაწილე ადამინი იყო სამ ქვეყანაშია ქვეყანაში კონსულტანტი...შეხვდეს დელეგაციებს, მოამზადოს ანგარიში მათ შორის ადამიანის უფლებების სფეროში, მათ შორის ინტერპოლმა მიიღო გადაწყვეტილება ძებნილთა სიიდან ამოღების შესახებ. ეს ნიშნავს, რომ არის პოლიტიკური მანიპულაცია“ - განაცხადა ადეიშვილმა.