პარლამენტში დეპუტატები, ნარკოლოგები და საზოგადოების წარმომადგენლები მარიხუანას თემაზე მსჯელობენ.

აღნიშნულ საკითხზე დეპუტატების შეხედულებები განსხვავებულია. უმრავლესობის წევრი გიგა ბუკია მიიჩნევს, რომ მარიხუანა ადამიანის ჯანმრთელობაზე უარყოფითად მოქმედებს.

დეპუტატის თქმით, მცდარია მოსაზრება თითქოს მარიხუანას გამო ადამიანებს ციხეში ალპობენ.

„რამდენიმე დღის წინ გაიმართა აქცია მარიხუანას მოხმარების დეკრიმინალიზაციის მოთხოვნით. ძირითადი აზრი, რაც მუსირებს და აქციაზეც გაჟღერდა, არის ის, რომ "ვეწევი, სხვას რას ვუშავებ". ცდილობენ შექმნან რომანტიული საბურველი, რომ თითქოს მოწევა არის თავისუფალი, ამით არაფერი დანაშაული არ ხდება... ჩვენი მხრიდან ასე ვერ იქნება დანახული, რადგან ანაშას თუ მარიხუანას გაბოლების იქით, ბევრი პრობლემები ხდება. მაგალითად, ხშირ შემთხვევაში ხდება ამ ნარკოტიკის სხვა ფორმით გამოყენება – მაგალითად მანაგუა - ეს არის ბევრად უფრო მძიმე ნარკოტიკი, ვიდრე სხვა ქვეყანაში გავრცელებული ნარკოტიკები. ასევე ხდება მათი ქიმიურად დამუშავება - აცეტონით თუ სხვა პროცედურების გამოყენებით... მარიხუანას მოხმარების გამო ბევრი ჩემი მეგობარი დღესაც გაღიმებული დადის – "დაბოლდა" ერთხელ და ვერ "გამოვიდა", -განაცხადა გიგა ბუკიამ.