პარლამენტის თავმჯდომარე სამთავრობო ცვლილებებთან დაკავშიებით გაკეთებულ განცხადებასთან დაკავშირებით განმარტებას აკეთებს.

დავით უსუფაშვილის თქმით, მის მიერ გაკეთებული განცხადება არასწორედ იქნა გაგებული.

„ჟურნალისტის კითხვა: მომავალ საპარლამენტო არჩევნებამდე "ქართული ოცნება" არსებული შემადგენლობით მისვლას მოახერხებს? ჩემი პასუხი: კოალიციაში სერიოზული ცვლილების წინა პირობას ვერ ვხედავ. ამაზე საუბარი მხოლოდ პოლიტიკური სპეკულაციის ნაწილია, თუმცა იძულებული ვარ კოალი­ციის დაშლაზე მეოცნებეებს იმედები გავუცრუო. შესაძლოა, პარლამენტისა და მთავრობის შემადგენლობაში გარკვეული ცვლილებები განხორციელდეს, როგორც ცოტა ხნის წინ დეპუტატებმა პარლამენტიდან მთავრობაში გადაინაცვლეს, შესაძლოა, დეპუტატებმა სხვა თანამდებობა დაიკავონ... აი აქედან გამოვიდა ახალი ამბავი, რომ თურმე მე დავაანონსე ცვლილებები მთავრობაში. გთხოვთ რასაც ვამბობ, ადეკვატურად მიიტანოთ მოსახლეობამდე“, - განაცხადა უსუფაშვილმა.