„ნაციონალური მოძრაობის“ ერთ-ერთი ლიდერის გიგა ბოკერიას თქმით, ხელისუფლება ნაფიც მსაჯულთა ინსტიტუტს ებრძვის.

მისი თქმით, ეს არის კიდევ ერთი დარტყმა ქვეყნის მომავლის საწინააღმდეგოდ.

„ივანიშვილის მთავრობა, რომელიც ვერ და არ ებრძვის კრიმინალს, ხელს აფარებს ორგანიზებულ დანაშაულს და რომელმაც მთლიანად ჩააგდო ბრძოლა ჩვენი მოქალაქეების დასაცავად, დღეს ხელს იშვერს ჩვენივე მოქალაქეებისკენ და ებრძვის ნაფიც მსაჯულთა ინსტიტუტს, რომელიც საკვანძოა იმისთვის, რომ ხალხი მონაწილეობდეს მართლმსაჯულების განხორციელებაში და იყოს რეალური შეჯიბრებითობა სასამართლოში“, - განახადა ბოკერიამ.

შეგახსენებთ, ნაფიც მსაჯულთა ინსტიტუტის მიმართ კრიტიკა მას შემდეგ გაჩნდა, რაც მათ ლაშა მახარაძის საქმეზე ვერდიქტი ვერ გამოიტანეს.