ნატო-საქართველოს ერთობლივი საწვრთნელი ცენტრი სავარაუდოდ წლის ბოლოს გაიხსნება. ამის შესახებ შეიარაღებული ძალების გენერალური შტაბის უფროსმა ვახტანგ კაპანაძემ განაცხადა.

მისი თქმით, ცენტრის გახსნასთან დაკავშირებით არსებულ საკითხებზე სპეციალურად გამოყოფილი ჯგუფი იმუშავებს.

„შერჩეული არიან პიროვნებები, რომლებიც საბოლოო ფორმას მისცემენ სამუშაო ჯგუფის შემადგენლობას. ასევე თავისთავად შერჩეულია ადგილი. ჩვენ არამარტო მივყვებით გეგმას, არამედ ვაჭარბებთ კიდეც მას. დარწმუნებული ვარ, რომ ნატო-საქართველოს ერთობლივი საწვრთნელი ცენტრი, ერთ-ერთი ყველაზე წარმატებული პროექტი იქნება საქართველოსა და ნატო-ს თანამშრომლობაში“, - განაცხადა კაპანაძემ.