ეროვნული ბანკიდან საზედამხედველო ფუნქციის გამოყოფის შესახებ კანონპროექტს პრეზიდენტმა შესაძლოა ვეტო დაადოს.

ამის შესახებ ეკონომიკურ საკითხებში პრეზიდენტის მრჩეველმა გიორგი აბაშიშვილმა განაცხადა.

მისი თქმით, აღნიშნული კანონპროექტი ქვეყნის ეკონომიკას დააზიანებს.

პრეზიდენტის ადმინისტრაციაში აღნიშნულ დაკავშირებით ცოტა ხნის წინ საგანგებო განცხადება გაკეთდა.

როგორც ეკონომიკურ საკითხებში პრეზიდენტის მრჩეველმა გიორგი აბაშიშვილმა განაცხადა, აღნიშნული ინიციატივა წინააღმდეგობაშია ასოცირების დღის წესრიგთან და საერთაშორისო სავალუტო ფონდის, ასევე ევროპის რეკონსტრუქციისა და განვითარების ბანკის მიერ გაჟღერებულ წინადადებებთან.

აბაშიშვილი მოუწოდებს ხელისუფებას, აღნიშნული საკითხის განხილვის პროცესში ჩართულები იყვნენ საერთაშორისო ექსპერტები ევროპის ცენტრალური ბანკიდან.