ვიცნობ რა ივანიშვილს, ასეთი ტიპის შეხვედრა მოსამართლეებთან შეუძლებელია

ვიცნობ რა ივანიშვილს, ასეთი ტიპის შეხვედრა მოსამართლეებთან შეუძლებელია - ხიდაშელი

პოლიტიკა - 10:11, 09 Jun, 2015

1482

თავდაცვის მინისტრმა თინა ხიდაშელმა ბიძინა ივანიშვილსა და მოსამართლეებს შორის მომხდარი გარიგების შესახებ გავრცელებულ ინფორმაციასთან დაკავშირებით პირველი კომენტარი გააკეთა. ხიდაშელის თქმით, ამ საკითხთან დაკავშირებით მას ინფორმაცი არ აქვს, მაგრამ იგი მსგავსი ტიპის შეთანხმების არსებობას გამორიცხავს.

„მოსამართლეებმა ამაზე თავად გააკეთეს განცხადება, მე არაფერი ამის შესახებ არ ვიცი და უფრო მეტიც, ვიცნობ რა ბიძინა ივანიშვილს შემიძლია გითხრათ, რომ ასეთი ტიპის შეხვედრა შეუძლებელია. ჩემთვის ბატონი მურუსიძის განცხადება არგუმენტი არ არის, გამომდინარე იმ წარსულიდან, რომლითაც იგი საქართველოს სასამართლო წარსულიდან გამოირჩევა, განსაკუთრებით სანდრო გირგვლიანის საქმეზე, ამიტომ მე გამოვრიცხავ მსგავსი ტიპის შეხვედრას,“,-განაცხადა თინა ხიდაშელმა.

თავდაცვის ყოფილი მინისტრი ირაკლი ალასანია ბიძინა ივანიშვილისა და რამდენიმე მოსამართლის საიდუმლო შეხვედრაზე საუბრობს. მისი მტკიცებით, ამ შეხვედრაზე მოხდა გარიგება, რომელიც ე.წ. „კაბელების საქმეზე“ დაკავებულებს ეხებოდა.

ექსმინისტრის ინფორმაციით, შეხვედრა პარასკევს შედგა და მას მოსამართლეები ლევან მურუსიძე, მიხეილ ჩინჩალაძე და ვალერი ცერცვაძე ესწრებოდნენ.