იუსტიციის მინისტრის თქმით, ნაფიც მსაულთა ინსტიტუტის გაუქმებაზე საუბარი ვერ იქნება, რადგან ის საკონსტიტუციო ცვლილებებს საჭიროებს.

თუმცა თეა წულიკიანის განმარტებით, აღნიშნული ინსტიტუტი გარდაქმნას საჭიროებს.

„ვერ ვიტყვით, რომ ის შეეთვისა ქართულ სამართლებრივ სისტემას. მგონია, რომ ის საჭიროებს გარდაქმნას. თუმცა მის სრულიად გაუქმებაზე საუბარი ვერ იქნება, რადგან ნაფიც მსაჯულთა ინსტიტუტის გაუქმება საკონსტიტუციო ცვლილებებს საჭიროებს. ჩვენ შეგვიძლია შევქმნათ გარანტიები იმისა, რომ ნაფიცი მსაჯულები არა მხოლოდ იკრიბებოდნენ და ხშირ შემთხვევაში ვერ იკრიბებოდნენ, არამედ თუკი მათ ხარვეზები ან შეცდომები დაუშვეს, არსებობდეს გასაჩივრების მექანიზმები პროფესიონალ მოსამართლესთან“, - განაცხადა წულუკიანმა.

შეგახსენებთ, ნაფიც მსაჯულთა ინსტიტუტის მიმართ კრიტიკა მას შემდეგ გაჩნდა, რაც მათ ლაშა მახარაძის საქმეზე ვერდიქტი ვერ გამოიტანეს.