ორგანიზაცია „ადამიანის უფლებათა პრიორიტეტის“ ხელმძღვანელის, ლია მუხაშვრიას განცხადებით, ნაფიც მსაჯულთა ინსტიტუტთან დაკავშირებით პრემიერის პოზიცია გამართლებული არ არის.

მისი თქმით, სასამართლო ხელისუფლება დამოუკიდებელია, აღმასრულებელი ხელისუფლების შტო მის საქმიანობაში არ უნდა ერეოდეს და გავლენის მოხდენას არ უნდა ცდილობდეს.

„ხშირია შემთვევები, როცა ნაფიცი მსაჯულები გადაწყვეტილებას ვერ იღებენ და მათი შემადგენლობა იცვლება. თუმცა, პრემიერის ასეთი შეფასება არ არის არანაირად გამართლებული“ - განაცხადა მუხაშავრიამ.

შეგახსენებთ, საქალაქო სასამართლოში რამდენიმე დღის წინ ლაშა მახარაძის მკვლელობის საქმეზე ნაფიცმა მსაჯულებმა გონივრულ ვადაში ვერდიქტი ვერ გამოიტანეს, რის შემდეგაც მოსამართლემ ისინი დაითხოვა. აღნიშნულთან დაკავშრებით, ირაკლი ღარიბაშილმა განაცხადა, რომ ნაფიც მსაჯულთა ინსტიტუტი ჩავარდა და სრული კრახი განიცადა.