სოლიდარობას ვუცხადებთ დევნილებს და ვაპროტესტებთ მალხაზ პატარაიას უკანონო დაკავებას- ექსეულიძე

პოლიტიკა - 15:21, 08 Jun, 2015

1825

"ახალგაზრდა დიპლომატთა ლიგის" თავმჯდომარე ბესიკ ექსეულიძე საპატრულო პოლიციის მიერ "აფხაზთაკრების" ერთერთი ლიდერის, მალხაზ პატარაიას დაკავების ფაქტს გამოეხმაურა. ექსეულიძის თქმით, ორგანიზაცია 9 ივნისს სოლიდარობის აქციას გამართავს.
"ახალგაზრდა დიპლომატთა ლიგა" სოლიდარობას ვუცხადებთ დევნილი მოსახლეობას აფხაზეთის უმაღლესი საბჭოს არჩევნების მოთხოვნასთან დაკავშირებით.ჩვენ ასევე ვაპროტესტებთ „აფხაზთაკრების“ ერთ-ერთი ლიდერის მალხაზ პატარაიას უკანონო დაკავებას საპატრულო პოლიციის მიერ. შეგახსენებთ, რომ ამა წლის 3 ივნისს აფხაზთა კრების თავმჯდომარე მალხაზ პატარაია შსს-მ აფხაზეთის საბჭოს რიგგარეშე არჩევნების მოთხოვნით მშენებარე ტერიტორიის დროებით შემომსაზღვრელ ღობეზე საარჩვენო პოსტერების გაკვრისთვის დააკავა, რომელსაც ქ.თბილისის მუნიციპალიტეტის საკრებულოს დადგენილებით სრული უფლება ქონდა, ბატონი მალხაზის დაკავებით შელახულ იქნა ადამიანის კონსტიტუციური უფლება თავისუფლებისა და ხელშეუხებლობის მუხლით.

ჩვენ გვჯერა, რომ ადამიანი სიტყვის გამოხატვის თავისუფლება ერთ-ერთი ფუნდამენტალური უფლებაა და კაცობრიობის უმთავრესი მონაპოვარი, რომელიც ხელშეუხებელია. ყოველივე ზომოთაღნიშნულიდან გამომდინარე 9 ივნისს, 14:00 საათზე, ვმართავთ სოლიდარობის აქციას, რომელიც გულისხმობს საარჩევნო პოსტერების გაკვრას, აფხაზეთის უმაღლესი საბჭოს არჩევნების მოთხოვნით პუშკინის ბაღთან, პანორამა თბილისის საბაგიროს მშენებარე ტერიტორიის დროებით შემომსაზღვრელ ღობეზე,"-განაცხადა ბესიკ ექსეულიძემ.