ჟურნალისტ ირაკლი კორძაიას ბრალდებებს დევნილთა მინისტრი სოზარ სუბარი პასუხბს. როგორც “პრაიმტაიმთან” საუბრისას სუბარმა განაცხადა, დაუსაბუთებელი ბრალდებებით ნებისმიერი ადამიანი, მათ შორის კორძაია მხოლოდ საკუთარ თავს ავნებს.

„ზოგადად მოულოდნელია, რომ შენი მეგობრები ისეთ რამეებს ამბობენ, რასაც მათგან არ ელოდები. ადამიანი, როდესაც რაღაც ბრალდებას აჟღერებ, უკეთესია ამის დამამტკიცებელი საბუთი გაგაჩნდეს, თუ ასეთი რამ არ გავქს ვფიქრობ ამით მხოლოდ საკუთარ თავს ავნებ. რაც შეეხება შეხვედრას, იმ დღეებში ჩვენ გვქონდა მინიმუმ 5 თუ 6 შეხვედრა“, - აცხადებს სუბარი.

მისი თქმით, შეხვედრის ინიციატორი ხან თავად იყო, ხან ირაკლი კორძაია.

„იმ კონკრეტულ შემთხვევაში მე შეხვედრა მქონდა გაეროს წარმომადგენლებთან და შემდეგ გადავჯექი მათთან. ფულის შეთავაზებას ადგილი არ ჰქონია“, - ამბობს სუბარი.

ჟურნალისტ ირაკლი კორძაიას თქმით, ბესიკ ხარძიანის მკვლელობის შემდეგ მის მიერ გაკეთებულ განცხადებებთან დაკავშირებით მას შეხვედრა სთხოვეს სოზარ სუბარმა და დეპუტატმა ვიქტორ ჯაფარიძემ და მას შეთანხმება შესთავაზეს.