აშშ-ში საქართველოს ელჩი რიჩარდ ნორლანდი საარჩევნო სისტემის რეფორმირებასთან დაკავშირებით პოლიტიკოსების ძალისხმებას მიესალმება.

მისი თქმით, მნიშვნელოვანია ისიც, რომ დისკუსიაში პარლამენტის წევრებიც არიან ჩართულები.

„ამ თემასთან დაკავშირებით მიმდინარეობს პოლიტიკური ძალების მიერ განხილვა, რაც იმისკენ არის მიმართული, რომ გამოსწორებული იყოს საარჩევნო სისტემაში არსებული დისბალანსი. ქართული პოლიტიკის დღის წესრიგში დგას პროპორციულ სისტემაზე გადასვლის საკითხი. ჩვენ ნამდვილად არ შეგვიძლია ვთქვათ, თუ რომელი მოდელია ქართული საარჩევნო სისტემისთვის საუკეთესო. ეს თავად საქართველოში გადასაწყვეტი საკითხია, თუმცა ჩვენ მხარს ვუჭერთ იმ ძალისხმევას, რომელსაც ქართველი პოლიტიკოსები ავლენენ“, - განაცხადა ნორლანდმა.