ჟურნალისტ ირაკლი კორძაიას ინფორმაციით, მას შემდეგ რაც ვიქტორ ჯაფარიძემ და სოზარ სუბარმა მას შეხვედრა სთხოვეს, ბესიკ ხარძანის ქვრივსა და ჯაფარიძეს შორის სატელეფონო საუბარი შედგა.

ამის შესახებ კორძაიამ გადაცემა „რეაქციაში“ განაცხადა.

„შედგა სატელეფონო საუბარი ბესო ხარძიანის ქვრივსა და ვიქტორ ჯაფარიძეს შორის. როდესაც ეკა დაინტერესდა, რომ რატომ აიღო ბატონმა ვიქტორმა თავის თავზე ეს და რატომ უნდოდა ჩემთან შეხვედრა, მან საკმაოდ ხანგრძლივი შეხვედრის შემდეგ აღიარა, რომ მას სთხოვეს უდესიანის ხალხმა, რომ დაინტერესებულიყო ამ საკითხით. რაც შეეხება ჩემი, სოზარ სუბარის და ჯაფარიძის შეხვედრას, ის ნამდვილად შედგა. დაახლოებით ერთი საათი გაგრძელდა. სუბარი ესწრებოდა საუბარს, თუმცა თემით ძირითადად დაინტერესებული იყო ბატონი ვიქტორი. კონკრეტულად ვის მიერ იყო ინიცირებული შეხვედრა ბატონ ვიქტორს არ დაუკონკრეტებია“, - განაცხადა კორძაიამ.

მისი განცხადებით, საქართველოს პრემეირ-მინისტრმა ახლობლის მეშვეობით მიაწვდინა ხმა და უთხრა, რომ ის შემდგარ შეხვედრასთან კავშირსი არ არის.