პარლამენტის საფინანსო-საბიუჯეტო კომიტეტის თავმჯდომარის თამარ მეჭიაურის თქმით, ეროვნული ბანკის პრეზიდენტი გიორგი ქადაგიძე ქვეყნისთვის საფთხეს წარმოადგენს. ამის შესხებ მეჭიაურმა ჟურნალისტებთან საუბრისას განაცხადა.

„ქადაგიძე თვითონ არის ამ ქვეყნისთვის საფრთხე და არა ბიძინა ივანიშვილის განცხადება. თუმცა ბიძინა ივანიშვილს ვერ ვეთანხმები იმაში, რომ მან აპატია ის წილი, რა წილი პასუხისმგებლობაც ჰქონდა ქადაგიძეს მისი ბიზნესის მიმართ“, - განაცხადა მეჭიაურმა.

ექსპრემიერის ბიძინა ივანიშვილის თქმით, მას სავალუტო ფონდის წარმომადგენელმა სთხოვა, რომ გიორგი ქადაგიძე არ დაეკავებინათ.

მისი თქმით, სწორედ ეს თხოვნა გაითვალისწინა და პროკურატურაში შეტანილი განცხადების მსვლელობა შეაჩერა. ივანიშვილს დღეს სებ-ის პრეზიდენტმა საგანგებო ბრიფინგზე უპასუხა.

გიორგი ქადაგიძემ პრემიერის განცხადებას არასერიოზული და ქვეყნისთვის საფრთხის შემცველი უწოდა.