ორპალატიანი პარლამენტი თუ რეფერენდუმი - რას გადაწყვეტს უმრავლესობა მაჟორიტარულ სისტემაზე

პოლიტიკა - 15:41, 05 Jun, 2015

976

კოალიცია „ქართული ოცნების“ ოფისში რამდენიმე წუთში ფრაქცია „ქათული ოცნების“ სხდომა დაიწყება, სადაც საარჩევნო საკითხებზე იმსჯელებენ. დეპუტატები არ მალავენ, რომ კოალიციაში არ არსებობს ერთიანი პოზიცია იმასთან დაკავშირებით, რომ მოხდეს პროპორციული სისტემის ამოქმედება. როგორც ისინი ამბობენ, პროპორციული სისტემა შეიძლება შეიცვალოს ორპალატიანი პარლამენტით ან შესაძლებელია ამ საკითხთან დაკავშირებით რეფერენდუმი ჩატარდეს.

"ის სისტემა, რომელიც დღეს გვაქვს გასაუმჯობესებელია და არათანაბრად გამოხატავს ქართველი ამომრჩევლის ნებას, მაგრამ რა სისტემაზე უნდა გადავიდეთ უკვე მსჯელობის და განხილბის საგანია უმრავლესობაში", - განაცხადა ელისო ჩაფიძემ.

დეპუტატები ასევე საარჩევნო ბარიერთან დაკავშირებით ზაქარია ქუცნაშილის ინიციატივასაც განიხილავს, რომელიც მაჟორიტარებისთვის ბარიერი 50%-მდე უნდ გაიზარდოს, ხოლო პარტიული ბარიერი 4%-მდე უნდა შემცირდეს.

„მე გამოვედი ინიციატივით, რომ პარტიული ბარიერი 5%-დან 4%-მდე შევამციროთ, რაც ბევრ სუბიეტქს მისცემს საშულებას გადალახოს ბარიერი და მეორეს მხრივ 20%-ით შეამცირებს დაკარგული ხმების რაოდენობას და მეორე, მაჟორიტარული სისტემით არჩევნების მოწინააღმდეგეების ერთ-ერთი მთავარი არგუმენტი მდგომარეობს იმაში, რომ 30%-იანი და 40%-იანი მხარდაჭერის მქონე პირი არ შეიძლება ამომრჩევლის პირდაპირი წარმომადგენელი იყოს“, - განაცხადა ქუცნაშვილმა.

შეგახსენებთ, სხდომა კოალიციის ოფისში 16:00 საათზეა ჩანიშნული. ამის შემდეგ საპარლამენტო უმრავლესობის სხდომაა ჩანიშნული. სავარაუდოდ, ორივე სხდომას ბიძინა ივანიშვილი დაესწრება.