„ნაციონალური მოძრაობაში“ კორუფციასთან დაკავშირებით უზენაესი სასამართლოს თავმჯდომარის მოადგილის განცხადებას ეხმაურებიან.

ლევან თარხნიშვილის თქმით, იმის ნაცვლად, რომ ნინო გვენეტაძე კორუფციასთან დაკავშირებით არსებულ გამოწვევებს გაუმკლავდეს, მოსამართლეებზე ახალი ზეწოლის ბერკეტებს იყენებს.

"კორუფცია დიახაც დაბრუნდა სასამართლოებში. სამწუხაროა ეს ფაქტი, მაგრამ ბევრად უფრო სახიფათოა, რომ არ არსებობს თავმჯდომარესა და მოადგილეს შორის კომუნიკაცია. იმის მაგივრად, რომ თავმჯდომარემ ამ გამოწვევებს უპასუხოს, ის დაკავებულია იმით, რომ მოსამართლეებზე ზეწოლის ახალ ბერკეტებს იგონებს. უნდა ვივარაუდოთ, რომ ეს ზეწოლის მექანიზმები პოლიტიკური საქმეებისთვის იქნება გამოყენებული", - აცხადებს ლევან თარხნიშვილი.

უზენაესი სასამართლოს თავმჯდომარეს მისი მოადგილე უპირისპირდება. მიხეილ ჩინჩალაძემ სასამართლო სისტემაში არსებულ კორუფციაზე საუბრობს, თუმცა კონკრეტული ფაქტების გასაჯაროებისგან ჯერჯერობით თავს იკავებს.