სახალხო დამცველი უჩა ნანუაშვილი კორუფციასთან დაკავშირებით უზენაესი სასამართლოს თავმჯდომარის მოადგილის მიხეილ ჩინჩალაძეს განცხადებას ეხმაურება და მოუწოდებს მას, კონკრეტული ფაქტები დაასახელოს.

ამის შესახებ ნანუაშვილმა ჟურნალისტებთან საუბრისას განაცხადა.

"როცა ასეთ სერიოზულ თემაზეა საუბარი, აუცილებელია კონკრეტული ფაქტები დასახელდეს. ისე არანაირი აზრი არ აქვს ამაზე საუბარს," - განაცხადა უჩა ნანუაშვილმა.

უზენაესი სასამართლოს თავმჯდომარეს მისი მოადგილე უპირისპირდება. მიხეილ ჩინჩალაძემ სასამართლო სისტემაში არსებულ კორუფციაზე საუბრობს. გვენეტაძის და მოსამართლეების შეხვედრაზე ჩინჩალაძის განცხადებას გუშინ დაპირისპირება მოჰყვა. გვენეტაძემ მოადგილეს კონკრეტული ფაქტების დასახელება მოსთხოვა.

"გვარებს ვერ დავასახელებ, მაგრამ არის გარემოებები და ნიშნები, რომელიც მიუთითებს, რომ სასამართლოში კორუფციის დონე ძალიან მაღალია. ეს ხდება რეგიონებშიც და თბილისშიც,“-განაცხადა ჩინჩალაძემ.