ფინანსთა მინისტრი ნოდარ ხადური მიიჩნევს, რომ ბიძინა ივანიშვილის მიერ გაკეთებული განცხადება სავალუტო ფონდთან ურთიერთობაში ხელის შემშლელი არ იქნება.

მისი თქმით, სავალუტო ფონდთან მუშაობა ჩვეულ რეჟიმში გრძელდება.

„ბატონი ბიძინა აკეთებს განცხადებებს, რომელიც მას მიაჩნია სწორად. ერთი რამ მინდა გითხრათ, რომ ვერანაირი განცხადებები ვერ შეუშლის ამ ურთიერთობებს. პირიქით, სავალუტო ფონდი საქართველოს სტრატეგიული პარტნიორია", - განაცხადა ნოდარ ხადურმა.

ექსპრემიერის ბიძინა ივანიშვილის თქმით, მას სავალუტო ფონდის წარმომადგენელმა სთხოვა, რომ გიორგი ქადაგიძე არ დაეკავებინათ.

მისი თქმით, სწორედ ეს თხოვნა გაითვალისწინა და პროკურატურაში შეტანილი განცხადების მსვლელობა შეაჩერა.