პრემიერ-მინისტრმა მთავრობის დღევანდელ სხდომაზე განაცხადა, რომ მარიხუანას დეკრიმინალიზაციის წინააღმდეგია.

მისი თქმით, ამ საკითხზე ახალგაზრდები ემოციურად საუბრობენ და მარიხუანას დეკრიმინალიზაცია მომავალი თაობისთვის სავალალო შედეგებს მოიტანს.

ირაკლი ღარიბაშვილის ამ განცხადებას სოციალურ ქსელში მწვავე შეფასებები მოჰყვა იმ მოქალაქეებისგან, ვინც მარიხუანას დეკრიმინალიზაციის მომხრეა.

სოციალურ ქსელში პრემიერის ოფიციალურ გვერდზე რამდენიმე ასეულმა ადამიანმა შემდეგი შინაარსის სტატუსი გამოაქვეყნა: „არ დაიჭირო“.