,,ივანიშვილი და მისი გუნდი რეფორმის ილუზიას ქმნის“

,,ივანიშვილი და მისი გუნდი რეფორმის ილუზიას ქმნის“ - თარხნიშვილი საარჩევნო სიტემაზე

პოლიტიკა - 18:51, 04 Jun, 2015

1304

„ნაციონალური მოძრაობის წევრი“ ლევან თარხნიშვილი საქართველოს ყოფილი პრემიერ-მინისტრის, ბიძინა ივანიშვილის მიერ მაჟორიტარული სისტემის შეცვლის აუცილებლობის შესახებ გაკეთებულ კომენტარს გამოეხმაურა. ლევან თარხნშვილის შეფასებით, ხელისუფლება და საპარლამენტო უმრავლესობა ცდილობს საარჩევნო კოდექსში შეიტანოს კოსმეტიკური ცვლილებები, რეალური რეფორმის ილუზიის შესაქმნელად.

„მთელი პოლიტიკური სპექტრი თანხმდება იმაზე, რომ დღევანდელი სისტემა არ შეესაბამება დემოკრატიის და სამართლიანობის პრინციპებს. თუ დავამატებთ იმას, რომ საკონსტიტუციო სასამართლომ მიიღო გადაწყვეტილება, რომლის მიხედვითაც დღევანდელი მაჟორიტარული ოლქები საერთოდ არ შეესაბამებიან კონსტიტუციას მივიღებთ იმას, რომ ერთი მხრივ არის მთელი ოპოზიციური და არასამთავრობო სპექტრი, რომელიც ითხოვს ცვლილებებს და მეორე მხრივ არის უმრავლესობა, რომელიც წელავს დროს.

უმრავლესობა საუბრობს ისეთ კოსმეტიკურ ცვლილებებზე, როგორიც არის მაჟორიტარული ოლქების გამსხვილება, ეს არის მხოლოდ თავის მოტყუება და ეს არ გამოიღებს შედეგს. ჩვენი ცალსახა მოთხოვნა არის ის, რომ გატარდეს რეალური რეფორმა და გადავიდეთ პროპორციულ საარჩევნო სისტემაზე. დავასწრებ ცვლილებებს და ვიწინასწარმეტყველებ, რომ იქნება მცირე ცვლილებები მაჟორიტარული ოლქების საზღვრებში.

შეიცავდა თუ არა ივანიშვილის სიტყვები მოწოდებას მმართველი გუნდის მიმართ ვერ გეტყვით, რადგან მიჭირს გარკვევა რას გულიხმობს ხოლმე ეს ადამიანი , ისევე, როგორც მისი უმრავლსობა და მისი მთავრობა. აშკარა არის ის, რომ მმართველი გუნდი ცდილობს გაწელოს დრო და მცირედი ცვლილებების შეტანით შექმნას იმის ილუზია, რომ რაღაც იცვლება. ასე იყო თვითმმართველობის არჩევნების წინაც, როდესაც თითქოს მიმდინარეობდა მუშაობა, მაგრამ უმრავლეობამ ფაქტიურად არაფერი არ გაითვალისწინა იმ რეკომენდაციებიდან, რომელიც მიიღო.

ვნახოთ რა იქნება, ჯერჯერობით კი მმართველ გუნდს არავითარი პოლიტიკური ნება რეალური ცვლილებების არ გამოუჩენია. ცალსახა მოთხოვნა, რომელიც ოპოზიციურ სპექტრს და არასამთავრობო როგანიზაციებს აქვთ არის ის, რომ გაუქმდეს მაჟორიტარული სისტემა" - განაცხადა ლევან თარხნიშვილმა.