საპარლამენტო უმრავლესობის წევრი ეკა ბესელია მიიჩნევს, რომ წინა ხელისუფლების დროს შინაგან საქმეთა სამინისტრო მონსტრს დაემსგავსა. ბესელიას თქმით, საჭიროა მოხდეს შინაგან საქმეთა სამინისტროდან სახელმწიფო უსაფრთხოების სამსახურის გამოყოფა.

ეკა ბესელია ასევე აცხადებს, რომ მოხდა შს სამინისტროს დეპოლიტიზაცია და სისტემა გასაყოფად უკვე მზად არის. მისივე თქმით, უსაფრთხოებისს სამსახურის ხელმძღვანელს პარლამენტი ნიშნავს, რაც მაღალი ლეგიტიმაციის მაჩვენებელია.

პარლამენტში დღეს შინაგან საქმეთა სამინისტროს და პროკურატურის რეფორმირების საკითხს განიხილავენ. შსს-დან სუს-ის გამოყოფაზე დეპუტატები ადამიანის უფლებათა დაცვის კომიტეტის სხდომაზე მსჯელობდნენ. უკვე ცნობილია, რომ უწყების რეფორმირებას საპარლამენტო უმცირესობა მხარს არ დაუჭერს. როგორც „ნაციონალურ მოძრაობაში“ განმარტავენ, ეს იქნება ცალკე უწყება, რომელიც პოლიტიკურ დევნას განახორციელებს. თუმცა უმრავლესობაში სუს-ის პოლიტიკზირებას გამორიცხავენ.