ფინანსთა მინისტრის ნოდარ ხადურის თქმით, ის პრემიერს ბიუჯეტის კორექტირებულ ვარიანტს მომავალ კვირას წარუდგენს.

მისივე განმარტებით, კორექტირების პროცესი საკმაოდ რთულია, რადგან ზოგიერთი უწყებისგან საუბარია თანხების გაზრდაზე.

„ბიუჯეტის კორექტირება ძალიან რთული პროცესია, რადგან კოლეგებისგან პირიქით, თანხების გაზრდაზეა მოთხოვნა, თუმცა არსებული ტენდენციების შესაბამისად, ჩვენ ამ საკითხს გავივლით სამინისტროებთან და იმის მიხედვით მოვახდენთ კორექტირებას. ასე რომ, ბიუჯეტს, მომავალ კვირაში წარმოგიდგენთ", - მიმართა ნოდარ ხადურმა ღარიბაშვილს.

პრემიერმა მთავრობის დღევანდელ სხდომაზე ფინანსთა მინისტრს დავალება მისცა, რომ ბიუჯეტის კორექტირებული ვარიანტი 10 ივნისს წარადგინოს.