უხვი ნალექის შედეგად დედაქალაქში არსებულ ვითარებას გვიან ღამით ადგილზე გაეცნო თბილისის მერი დავით ნარმანია. მერი სააკაძის მოედანზე იმყოფებოდა, სადაც ძლიერი წვიმის შედეგად სავალი გზის ნაწილი დაზიანდა.

ადგილზე მივიდნენ „ნაციონალური მოძრაობის“ წევრები ნიკა მელია და ირაკლი აბესაძე.

როგორც ნარმანიამ განაცხადა, დედაქალაქის მთავრობა ტერიტორიის რეაბილიტაციისთვის შესაბამის ზომებს უახლოეს საათებში მიიღებს. ადგილზე მცირე შეკამათება მოხდა ნიკა მელიასა და დავით ნარმანიას შორის.

„ორი კოლექტორი ვერ დააერთეს ერთმანეთს დაშედეგად მივიღეთ ის, რომ სააკაძის აღმართი პრაქტიკულად ასაყრელია. მარტო ჩემგან და ირაკლისგან გესმის, რომ ქალაქში პრობლემებია“, - მიმართა მელიამ ნარმანიას.

„პრობლემები იყო, არის და ამის აღმოფხვრაზე ვმუშაობთ“, - უპასუხა ნარმანიამ.