,,ასე არ გამოვა მეგობრებო ... დეკრიმინალიზაციის აქციაზე ბავშვების ჩართვა მიუღებელია“

,,ასე არ გამოვა მეგობრებო ... დეკრიმინალიზაციის აქციაზე ბავშვების ჩართვა მიუღებელია“ - ნათია ფანჯიკიძე

სოც.მედია - 15:50, 03 Jun, 2015

843

,,დიდ ბოდიშს გიხდით, მაგრამ ასე არ გამოვა მეგობრებო“ - ფსიქოლოგი ნათია ფანჯიკიძე მარიხუანას დეკრიმინალიზაციის მოთხოვნით გამართულ აქციაზე ბავშვების ჩართვის ფაქტს სოციალურ ქსელში ეხმაურება და საკუთარ პოსტს აღნიშნულ ფოტოს ურთავს. ფანჯიკიძე მიუღებლად მიიჩნევს ამ ტიპის აქციებში ბავშვების ჩართვას და აღნიშნავს, რომ მარიხუანას დეკრიმინალიზაცია თუ ჯანსაღი ცხოვრების წესის პროპაგანდის ფონზე არ განხორციელდა, ეს ,,ნახევრად კეთილი საქმე იქნება“.

,,თავი დავანებოთ იმას, რომ ეს რეკლამას გავს და არა დეკრიმინალიზაციის მოთხოვნას, ბავშვების ამგვარად მორთვა და მონაწილეობა დაუშვებელია. საერთოდ ბავშვების ადგილი არ არის არცერთ აქციაზე. ჩემია და სადაც მინდა წავიყვან, რასაც მინდა მივახატავ, არ მოსულა. სრულწლოვანებამდე კეთილი ინებეთ და პატივი ეცით მათ უფლებებს.

დეკრიმინალიზაცია თუ არ განხორციელდა სისტემური გააზრების, საინფორმაციო ადეკვატურობის გაზრდის, ჯანმრთელი ცხოვრების პროპაგანდის და მისთვის სათანადო პირობების შექმნის (სპორტდარბაზები და ა.შ.) , ახალგაზრდებისთვის საქმიანი გარემოს დაგეგმვის და პრევენციული ზომების გაძლიერების ფონზე, მხოლოდ ნახევრად კეთილი საქმე იქნება“ - წერს ნათია ფანჯიკიძე.