„რაც დღეს ჩაზნექილ სუფრებთან ღიპიანი კაცების სალაპარაკოა“

„რაც დღეს ჩაზნექილ სუფრებთან ღიპიანი კაცების სალაპარაკოა“ - რამაზ გიგაური

სოც.მედია - 15:00, 03 Jun, 2015

3024

„თუ შევადარებთ ჩვენს ცეკვებსა და ხალხურ სიმღერებს ჩვენს რეალურ ცხოვრებას, ყოფას, იმ წუთასვე ნათლად დავინახავთ რეალურად სად ვართ“, - წერს ასტროლოგი რამაზ გიგაური და ანსამბლ „რუსთავის“ კონცერტზე მიღებულ შთაბეჭდილებასა და საკმაოდ საინტერესო დასკვნებს უზიარებს ფბ. მეგობრებს.
რამაზ გიგაური: „გუშინ „რუსთავის“ კონცერტს დავესწარი, რომელიც „იავნანას“ საქველმოქმედო მიზნებისთვის ჩატარდა. არ მახსოვს ბოლოს როდის ვნახე ასეთი ქართული კონცერტი. უმაგრესი იყო. თუმცა ამ უმშვენიერესმა საღამომ ერთ თან კარგ და იმავდროულად სამწუხარო აზრამდე მიმიყვანა
იმ ქართველობას ისტორიულად რომ არსებობდა ჩვენში, თავის გმირობებით, ხმლებით, ფარებით, თავგანწირული ბრძოლებით და საერთოდ ყველაფრით, რაც დღეს ჩაზნექილ სუფრებთან ღიპიანი კაცების სალაპარაკოა, ვერავინ ვეღარ წაგვართმევს. ვერც „გარყვნილი ევროპა“, ვერც ლოთი და დეგრადირებული რუსეთი. მარსიანელებიც რომ ჩამოვიდნენ ჩვენს ქართველობას ვერ წაიღებენ. წერტილი.
ეს კარგი ამბავი. რაც შეეხება ცუდს...

ქართველობას იმიტომ ვერ წაგვართმევენ, რომ ის აღარ არსებობს - აი ეს ქართველობა მხოლოდ ჩვენს ცეკვებში და სიმღერებში დარჩა!
ჩვენი ცეკვები და სიმღერები - არის ჩვენი თავგანწირული ისტორიის ერთგვარი იმიტაცია, ღვთიურ რიტუალამდე აყვანილი. იქ არის თქვენი ღვთისმშობლის წილმხვედრობაც, მარაბდაც, კრწანისიც და 78 წლის ერეკლე II-ს მოქნეული ხმალიც.
რეალურ ცხოვრებაში კი... აღარ არის.
არის დამცირებული, დაქცეული, საშოვარს გადაგებული ქვეყანა, დამცირებული ინტელექტუალები და გასიებული მინისტრები (თავის რამდენიმე ათასიანი პრემიებით და დანამატებით), ჯიპიანი მამაოებით და „სტაიანშიკების“ ხელზე კოცნებით და საერთოდ თავის ყველაფრით თუ შევადარებთ ჩვენს ცეკვებსა და ხალხურ სიმღერებს ჩვენს რეალურ ცხოვრებას, ყოფას, იმ წუთასვე ნათლად დავინახავთ რეალურად სად ვართ“.

ანსამბლი "რუსთავი" 02.06.2015
ფოტოები - ალექსანდრე ახალაიას