"ყველაზე დიდი მოვლენა გახლდათ 2008 წელს სტუმრობა"- ესტონეთის პრეზიდენტი აგვისტოს ომს იხსენებს

პოლიტიკა - 20:57, 02 Jun, 2015

1516

ესტონეთის პრეზიდენტის ტოომას ჰენდრიკ ილვესის თქმით ევროპაში ახალი უსაფრთხოების გარემო შეიქმნა, რომლის საწყის წერტილად საქართველოში 2008 წელს განვითარებული მოვლენები შეიძლება ჩაითვალოს. ესტონეთის სახელმწიფოს მეთაურმა აგვისტოს ომის პერიოდში მისი საქართველოს ვიზიტიც გაიხსენა და აღნიშნა, რომ მაშინ თბილისში ჩმაოსვლა ავტომობილით აზერბაიჯანიდან, შემოვლითი გზებით მოუწია:

"შესანიშნავია, რომ კვლავ ვიმყოფები საქართველოში. მე 2011 წელსაც ვეწვიე საქართველოს ბათუმში, რომ არაფერი ვთქვათ 1997 წელსა და 1988 წელზე, თუმცა, რა თქმა უნდა, ყველაზე დიდი მოვლენა გახლდათ 2008 წელს სტუმრობა, რადგან რუსეთის ცაზე გადმოფრენა მაშინ არ იყო ძალიან უხიფათო და აზერბაიჯანიდან, შემოვლითი გზებით მომიწია საქართველოში ჩამოღწევა. მეტიც, მანქანით ჩამოვედით საქართველოში სწორედ გახურებული ომის პერიოდში.
დღეისთვის, ჩვენ, რა თქმა უნდა, ვიმყოფებით ძალიან მნიშვნელოვანი ისტორიული მოვლენების გზაჯვარედინზე, მაშინ, როდესაც ევროპის უსაფრთხოების გარემო მთლიანად შეცვლილია და ამის საწყის წერტილად შეგვიძლია მივიჩნიოთ 2008 წელი საქართველოში, რუსეთის შემოჭრის სახით. ჩვენც შეგვეხო მთელი ეს პროცესი – ლატვიელებს, ლიტველებს, ესტონელებს. ფაქტობრივად, ამის შედეგად ახალი უსაფრთხოების გარემო შეიქმნა", - განაცხადა ესტონეთის პრეზიდენტმა.