2015 წლიდან ზუგდიდში ნიკო დადიანისა და ეკატერინეს სასახლის რეაბილიტაცია იწყება

პოლიტიკა - 19:50, 02 Jun, 2015

1082

კულტურული მემკვიდრეობის დაცვის ეროვნული სააგენტოს ინიციატივით, კულტურისა და ძეგლთა დაცვის სამინისტროს ხელშეწყობითა და მთავრობის მხარდაჭერით, 2015 წელს ზუგდიდის დადიანების სასახლის კომპლექსის ყველაზე კრიტიკულ მდგომარეობაში მყოფი ნიკოს სასახლის რეაბილიტაცია იწყება. უკვე მზადაა დადიანების სასახლის ბოტანიკური ბაღის საპროექტო დოკუმენტაცია. ასევე მზად არის სასახლის მთავარი ნაგებობის-ეკატერინეს სასახლის რეაბილიტაციის პროექტი, რომელიც საქართველოში ამერიკის საელჩოს დაფინანსებით, ხელოვნების საერთაშორისო ცენტრისა და იკომოს საქართველოს მიერ განხორციელდა.

პრეზენტაციას დადიანების სასახლეების ეზოში საქართველოს პრემიერ-მინისტრი ირაკლი ღარიბაშვილი, კულტურისა და ძეგლთ დაცვის მინისტრი მიხეილ გიორგაძე, ეკონომიკისა და მდგრადი განვითრების მინისტრი გიორგი კვირიკაშვილი, კულტურული მემკვიდრეობის დაცვის ეროვნული სააგენტოს გენერალური დირექტორი ნიკა ანთიძე, ამერიკის ელჩი საქათველოში, რიჩარდ ნორლანდი, სამეგრელო-ზემო სვანეთის გუბერნატორი ლევან შონია, ქალაქ ზუგდიდის მერი, ირაკლი გოგოხია, ქალაქ ზუგდიდის საკრებულოს თავმჯდომარე მერაბ ქვარაია და სხვა ოფიციალური პირები ესწრებოდნენ.