გაუქმდება თუ არა მაჟორიტარული სისტემა - მმართველი გუნდი რეფერენდუმზე საუბრობს

პოლიტიკა - 16:26, 02 Jun, 2015

915

მაჟორიტარულიდან პროპორციულ საარჩევნო სისტემაზე გადასვლას საპარლამენტო უმრავლესობაში არ ეთანხმებიან.

მმართველი გუნდის წევრი მანანა კობახიძე ფიქრობს, რომ უნდა გაუქმდეს თუ არა მაჟორიტარული სისტემა ხალხმა უნდა გადაწყვიტოს.

კობახიძე არ გამორიცხავს, რომ ამ საკითხის გასარკვევად რეფერენდუმიც გაიმართოს.

„იქნებ მოსახლეობასაც ვკითხოთ აზრი და საყოველთაო გამოკითხვით გადავწყვიტოთ ეს საკითხი. რამდენიმე არასამთავრობოს და პოლიტკური პარტიის გადასაწყვეტი არ იყოს უნდა იყოს ეს“, - განაცხადა კობახიძემ.

დღეს საქართველოს პარლამენტში არასამთავრობო ორგნიაზიებმა და ოპოზიციურმა პოლიტიკურმა პარტიებმა ოფიციალურად შეიტანეს 30 მაისს პრეზიდენტის სასახლეში შემდგარი კონფერენციის მიერ მიღებულ მიმართვა, რომელიც საარჩევნო სისტემის ცვლილებას ითვალისწინებს. საარჩევნო სისტემის ცვლილებას 14 პოლიტიკური პარტიამდა 8 არასამთავრობო ორგანიზაცია ითხოვს.

დოკუმენტის ავტორები საქართველოს პარლამენტს საარჩევნო სისტემასთან დაკავშირებული კონსტიტუციური ნორმის შეცვლისკენ მოუწოდებენ. კერძოდ, დოკუმენტში საუბარია მაჟორიტარული სისტემის შეცვლისა და პროპორციული საარჩევნო სისტემაზე გადასვლაზე.

საპრლამენტო და არასაპარლამენტო ოპოზიციის წარმომადგენლები მოუწოდებენ საკანონმდებლო ორგანოს, დროულად დაიწყოს მუშაობა.

საერთაშორისო გამჭვირვალობა საქართველოს ლიდერი ეკა გიგაური ფიქრობს, რომ ხელისუფლებამ უნდა შესასრულოს დანაპირები და განახორციელოს ცვლილებები საარჩევნო სისტემაში. გიგაური ამბობს, რომ არჩევნების სამართლიანად ჩატარებისთვი ეს ცვლილებები აუცილებელია.

,,მმართველი გუნდის წინასაარჩევნო დაპირება იყო ის, რომ მათი ხელისუფლებაში მოსვლის შემდეგ ქვეყანაში ჩატარდება სამართლიანი არჩევნები სამართლიანი სისტემით, ეს უნდა შესრულდეს“ - აცხადებს გიგაური და ამბობს, რომ თუკი აღნიშნული მთხოვნები არ შესრულდება ისინი კანონით გათვალისწინებულ სხვა ფორმებს მიმართავენ. ,,შევეცდებით, რომ მოსახლეობიდან მაქსიმალური მხარდაჭრა მოვიპოვოთ“ - ამბობს გიგაური.