„ნაციონალურმა მოძრაობა“ 16 სამინტროში გაცემული პრემიებისა და დანამატების შესახებ ანგარიშს აქვეყნებს.

მათი ინფორმაციით, ამ მიზნით სამინისტროებში დაახლოებით 48 მილიონი ლარია გაცემული.

როგორც ანგარიშშია აღნიშნული, ყველაზე დიდი პრემიერ აღებული აქვს განათლების მინისტრს თამარ სანიკიძეს, რომელსაც ერთ თვეში პრემია 6 550 ლარი აქვს აღებული. როგორც პარტიაში აცხადებენ, მინისტრმა იმ თვეში მთლიანად ხელფასთან ერთად 12 500 ლარი აიღო.

სანიკიძის შემდეგ ყველაზე დიდი თანხა მიღებული აქვს არჩლილ თალაკვაძეს სასჯელაღსრულების მინისტრის მოადგილედ ყოფნის პერიოდში. მას ყოველთვიურად 5 440 ლარის ოდენობის პრემია აქვს მიღებული.

„თითქმის 3 000 ლარი პრემია მინისტრებისთვის და მათი მოადგილეებისთვის. 1200 ლარი პრემიეა დეპარტამენტის უფროსებისთვის და მხოლოდ 57 ლარი რიგითი თანამშრომლებისთვის. აქ ლიდერობენ განათლების მინისტრი თამარ სანიკიძე ასევე სასჯელაღსრულების მინისტრის ყოფილი მოადგილე არჩილ თალაკვაძე. მაშინ, როდესაც საქართველოს ეკონომიკა გაჩერებულია და ლარი უფასურდება, ჩინოვნიკები მხოლოდ საკუთარ კეთილდღეობაზე ზრუნვით არიან დაკავებული“, - განაცხადა პარტიის წევრმა ლევან თარხნიშვილმა.