თვითონვე "გაყიდა", და თვითონვე "იყიდა"- რას წერს რურუა ფიროსმანზე და ივანიშვილზე

სოც.მედია - 10:04, 02 Jun, 2015

5459

კულტურის ყოფილი მინისტრი ნიკა რურუა „ფეისბუქში“ ფიროსმანის ნახატის ივანიშვილის მიერ შეძენის შესახებ წერს და ვარაუდს გამოთქვამს, რომ ივანიშვილმა ის ნახატი იყიდა მეორეს რომელიც ისედაც მის მფლობელობაში იყო:

„მგონი - ვიმეორებ - მგონი მთლად ჩვეული Publicity Stunt, ანუ "ტრიუკი" გააკეთა ჭორვილელმა კოლექციონერ/ინვესტორმა - თვითონვე "გაყიდა", და თვითონვე "იყიდა." ანუ ერთი ცენტის დაუხარჯავად მოიპოვა სახელი როგორც ფიროსმანის "საქართველოში დამბრუნებელმა", რაც თავისთავად მაინცადამაინც კარგი არაა და აი რატომ:

იმისთვის, რომ ფიროსმანი მსოფლიომ კარგად გაიცნოს, საჭიროა რომ ძალიან ცნობილ მუზეუმებს ჰქონდეთ მისი ტილოები. ანუ, იმაზე იყო სამუშაო, რომ რომელიმე დიდ მუზეუმს ეყიდა ეს ნახატი და ამით ფიროსმანის ცნობადობა და ფასი აწეულიყო. ეს კი სასწრაფოდ უკან დააბრუნეს, ვითომც ეს საუკეთესო ნაბიჯი იყო, რაც ასე სულაც არაა.

მაგრამ, რახან ასე მოხდა, მაშინ ივანიშვილიმა გადასცეს სახელმწიფო მუზეუმს და დასაჯერებელი იქნება მისი ეს "ყიდვა" - თუ მართლა ასეთ Santa Claus-ია, მაშინ გადასცემს მუზეუმს და საკითხიც ამოიწურება. თუ ასე არ ქნა - მაშინ ის საკუთარ ამპლუაშია. ანუ, აფერისტობს.

P.S. როგორც ერთხელ ერთ გადაცემაში აღნიშნა (რომელშიც თქვა რომ "დასვა მთელი მოსკოვი კონტემპორარზე") ასე გაკეთებული აქვს რამდენჯერმე რომ ფასი აეწია საკუთარ მფლობელობაში მყოფ ნახატებზე თვითონვე გაყიდვა-ყიდვით".- წერს ნიკა რურუა.

ბიძინა ივანიშვილის გადაწყვეტილებით, ნიკო ფიროსმანის „არსენალის მთა ღამით“ ხელოვნების მუზეუმს საჩუქრად გადაეცემა. ამის შესახებ ინფორმაციას გადაცემა „2030“ ავრცელებს. აღნიშნული ტილოს ხილვა ნებისმიერ მსურველს შეეძლება. საქართველოს ყოფილმა პრემიერ-მინისტრმა ბიძინა ივანიშვილმა ქართველი მხატვრის, ნიკო ფიროსმანის ერთ-ერთი ნახატი „არსენალის მთა ღამით“ მილიონ-ნახევარ დოლარად შეიძინა.