პრემიერ-მინისტრის მეუღლე ნუნუკა თამაზაშვილი ბავშვთა დღესთან დაკავშირებით სოციალურ ქსელში პოსტს აქვეყნებს:

„ძალიან ლამაზი დღეა. ბავშვებთან ერთად აღვნიშნეთ მე და ირაკლიმ - განსაკუთრებულ ბავშვებთან ერთად, საყოველთაო სოლიდარობის წყალობით რომ აგრძელებენ სიცოცხლეს... ეს სიცოცხლის და სიკეთის ზეიმი იყო...

ამდენი გადარჩენილი სიცოცხლე სიკეთის ძალაზე ყველაზე კარგად მეტყველებს. რა კარგია, რომ არსებობს სოლიდარობის ფონდი, სოლიდარული საზოგადოება და სიცოცხლე გრძელდება... სიკეთე მართლაც გადამდებია და დიდი მადლობა თქვენ ამისთვის...

მინდა, ყველა ბავშვი ბედნიერი და ჯანმრთელი იყოს. ბავშვთა დაცვის საერთაშორისო დღეს გილოცავთ, პატარებო!“, - წერს ნუნუკა თამაზაშვილი.