"6 გარდაცვლილი და 20162 დაზიანებული ბავშვი" - მესხიშვილი კანონის გამკაცრებასს ითხოვს

პოლიტიკა - 15:13, 01 Jun, 2015

13910

ტრანსპორტისა და გზების ასოციაციის თავმჯდომარე დავით მესხიშვილმა შს სამინისტროს და სახმელეთო ტრანსპორტის სააგენტოს წინადადებით მიმართა, რომ გამკაცრდეს ტრანსპორტით ბავშვების გადაადგილებისას უსაფრთხობის ნორმები. მესხიშვილის თქმით, ბავშვთა დაცვის საერთაშორისო დღეს საქართველო დაუცველი ბავშვებით შეხვდა.

მესხიშვილი განმარტავს, რომ ბოლო სამი წლის განმავლობაში, ავტოსაგზაო შემთხვევების შედეგად 20162-მა ბავშვმა სხეულის დაზიანება მიიღო, ხოლო 61 ბავშვი კი გარდაიცვალა.

„ბოლო სამი წლის განმავლობაში სხეულის დაზიანება მიიღო 20162-მა ბავშვმა, ხოლო გარდაიცვალა 61 ბავშვი. ეს სურატი აღემატება ევროპის საშუალო მაჩვენებელს. განსაკუთრებით შემზარავი კი ჩვილ ბავშვთა გარდაცვალების ფაქტების მომრავლებაა. ჩვენ რეალურად გვაქვს სურათი, როდესაც სახელმწიფოს არაფერი გაუკეთებია მ კუთხით ბავშვთა უფლებების დასაცავად. სახელმწიფო უნდა გრძნბდეს ასეთი შემთხვევების შედეგად დაზარალებული ოჯახების და ბავშვების მიმართ.

გარდაუვალ აუცილებლობას წარმოადგენს გატარდეს შემდეგი სახის ცვლილებები: სავალდებულო გახდეს ყველა ავტომობილზე ბავშვის საცნობი ნიშნის განთავსება, კატეგორიულად აიკრძალოს ბავშვთა გადაყვანა დამდგარ მდგომარეობაში, 12 წლამდე ბავშვის გადაყვანა განხორციელდეს მხოლოდ უკანა სავარძელზე, საქალაქთაშორისო ტრანსპორტით 7 წლამდე ბავშვის გადაყვანა განხორციელდეს მხოლოდ სავარძელზე დამაგრებული სპეციალური საბავშვო სავარძლით. დაისაჯოს მძღოლი, თუ ის საჭეს მართავს ჩვილ ბავშვთან ერთად რომელიც მას მოთავსებული ჰყავს კალთაში,“-განაცხადა დავით მესხიშვილმა.