პრეზიდენტის ადმინისტრაცია მიხეილ სააკაშვილის მიერ უკრაინის მოქალაქეობის მიღების ფაქტს ეხმაურება.

ადმინისტრაციის უფროსმა დავით პატარაიამ განმარტა, თუ რა არის საჭირო იმისთვის, ეომ მიხეილ სააკაშვილმა შეინარჩუნოს საქართველოს მოქალაქეობაც, უკრაინის მოქალაქეობასთან ერთად.

მისი თქმით, ჯერჯერობით იუსტიციის სამინისტროსგან ადმინისტრაციაში არ შესულა ოფიციალური დოკუმენტაცია იმასთან დაკავშირებით, რომ სააკაშვილმა უკრაინის მოქალაქეობა მიიღო.

„იმისათის, რომ უცხო ქვეყნის მოქალაქემ მიიღოს საქართველოს მოქალაქეობა, მან მოტივირებული განცხადებით უნდა მიმართოს საქართველოს პრეზიდენტს და თან უნდა დაურთოს იმ ქვეყნის მოქალაქეობის დამადასტურებელი დოკუმენტი, რომლის მოქალაქეც იგი არის. შესაბამისად, პირის პირადი მოტივირებული განაცხადი“, - განაცხადა პატარაიამ.

კითხვაზე, რას მოიმოქმედებს პრეზიდენტის ადმინისტრაცია თუ სააკაშვილმა მათ მოქალაქეობის მიღების თხოვნით მიმართა, პატარაია ჯერჯერობით ვერ პასუხობს.