"თავისუფალი დემოკრატები" მარიხუანის დეკრიმინალიზაციის მხარდამჭერ აქციას უერთდებიან

პოლიტიკა - 13:47, 01 Jun, 2015

1191

პარტია "თავისუფალი დემოკრატები" მარიხუანის დეკრიმინალიზაციის მოთხოვნით დაგეგმილ აქციას უერთდება."ძალიან დიდი მნიშვნელობა აქვს ამ მიმართულებით სახელმწიფოს პოლიტიკას. ადამიანები, რომლებიც მარიხუანის მხოლოდ მომხმარებლები არიან, ხშირ შემთხვევაში მათ მხოლოდ მოხმარებისთვის არანორმალურად, არაადამიანურად უზარმაზარი სასჯელის მოხდა უწევთ. ჩვენ მიგვაჩნია, რომ მხოლოდ საკუთარი მოხმარებისთვის ნარკოტიკის თან ქონის შემთხვევაში, ადამიანის დაკავება არ უნდა მოხდეს. რა თქმა უნდა, ამას დაჭირდება კანონმდებლობაში სპეციალური სამართებრივი ცვლილებები, საზოგადოებაში შესაბამისი საინფორმაციო კამპანიის წარმოება და ბუნებრივია, ძალოვანი სტრუქტურების მხრიდან შესაბამისი ყურადღების კონცენტრაცია მხოლოდ გამსაღებლებზე, რომლის მიმართ კანონი უნდა იყოს ულმობელი. ყველა გამსაღებელი უნდა იყოს ძალიან სერიოზულად დასჯილი, მაგრამ არც ერთ შემთხვევაში მომხმარებელი", - აღნიშნა ალექსი პეტრიაშვილმა.
მისივე ინფორმაციით, პარტია შეუერთდება 2 ივნისს, მთავრობის ადმინისტრაციის შენობასთან დაგეგმილ აქციას. "სამართლებრივი კუთხით კი მოვამზადებთ ცვლილებათა პაკეტს, რომელიც მომავალში, ჩვენი ხელისუფლებაში მოსვლის შემდეგ განხილული და პარლამენტის მიერ მიღებული იქნება", - დასძინა ალექსი პეტრიაშვილმა. 2 ივნისს 18:00 საათზე, თბილისში, მთავრობის კანცელარიის შენობის წინ, ქუთაისში, პარლამენტის შენობის წინ და ბათუმში, ევროპის მოედანზე გაიმართება აქცია, მოთხოვნით – "შეწყდეს ადამიანების ციხეში ჩასმა მარიხუანას მოხმარების გამო! შეწყდეს იძულებითი ნარკოტესტირება!"-განაცხადა ალექსი პეტრიაშვილმა.