უმცირესობის ლიდერის დავით ბაქრაძის თქმით, ქვეყანაში შუღლი და დაპირისპირება უნდა დასრულდეს.

ამის შესახებ ბაქრაძემ თელავში მოსახლეობასთან შეხვედრის დროს განაცხადა.

მისი თქმით, ხელისუფლებამ მოსახლეობის პრობლემების მოგვარებაზე უნდა იფიქროს.

„დღეს ჩვენ მოსახლეობას აწუხებს ძალიან ბევრი პრობლემა, მაგრამ მხოლოდ პრობლემებზე საუბარი საკმარისი არ არის. დღეს ჩვენს ქვეყანას სჭირდება შუღლის და დაპირისპირების დასრულება, ასევე კონკრეტული სამოქმედო გეგმა, თუ როგორ გამოვიდეთ კრიზისიდან და ასევე სჭირდება ხელისუფლება, რომელიც ამ გეგმას ეფექტურად განახორციელებს," - განაცხადა დავით ბაქრაძემ.