უმრავლესობის წევრი ეკა ბესელია სიცრუეს უწოდებს მიხეილ სააკაშვილის განცხადებას, რომ მის სათვალთვალოდ საქართველოდან სუს-ის თანამშრომლები გააგზავნეს.

მისი თქმით, სააკაშვილი რა სტატუსზეც არ უნდა იყოს, მის მიმართ მართლმსაჯულება პროცედურებს განაგრძობს.

"არ ვიცი, სააკაშვილს რა ეჩვენება და ვის ხედავს საკუთარ ლანდად. ასეთ არასერიოზულ განცხადებებზე კომენტარს არ გავაკეთებ. მის მიმართ სასამართლოს გამოტანილი აქვს დაპატიმრების ბრძანება. საქმის განხილვა სასამართლოში დაწყებულია. დაველოდებით სასამართლოს გადაწყვეტილებას“, - განაცხადა ბესელიამ.

სკანდალური ფაქტი, რომლის შესახებაც მიხეილ სააკაშვილი გადაცემა ,,არჩევანში“ საუბრობს. ექსპრეზიდენტი ამბობს, რომ მასზე თვალთვალის მიზნით, საქართველოდან უშიშროების თანამშრომლები გააგზავნეს.