სუს-ის თანამშრომლებთან დაკავშირებით სააკაშვილის მოყოლილი ზღაპრების არ მჯერა- სუბარი

პოლიტიკა - 12:10, 01 Jun, 2015

1238

საქართველოს მესამე პრეზიდენტის, მიხეილ სააკაშვილის განცხადებას იმასთან დაკავშირებით, რომ მასზე თვალთვალს სუსის თანამშრომლები ახდენენ, ლტოლვილთა განსახლების მინისტრი სოზარ სუბარი გამოეხმაურა
სუბარის თქმით, მას მიხეილ სააკაშვილის მიერ მოყოლილი ზღაპრების არ სჯერა და ჟურნალისტებთან ციურიხში განვითარებული მოვლენები გაიხსენა.

„სად არიან გაგზავნლი სუს-ის თანამშრომლები, ამის შესახებ მიხეილ სააკაშვილის ზღაპრების არ მჯერა. როდესაც მე ვახტანგ კომახიძესთან ციურიხში ჩავედი, ციურიხის პოლიციამ დააკავა კუდ-ის ორი თანამშრომელი, რომლებიც სასტუმროში ჩემი და კომახიძის საუბრის ჩასაწერად იყვნენ შემოსული. ისინი ციხეში ისხდენ და ეს კუდ-ის მუშაობის შედეგი იყო. ვერ გეტყვით სად არიან სუს-ის თანამშრომელები მაგრამ არც მე და არც კომახიძე ძებნილები არ ვიყავით, სააკაშვილისგან განსხვავებით“- განაცხადა სოზარ სუბარმა.

შეგახსენებთ, მიხეილ სააკაშვილმა სუს-ის თანამშრომლების მიერ მასზე განხორციელებული თვალთვალის შესახებ " რუსთავი 2"-ის ეთერში ისაუბრა. სააკაშვილის თქმით, რამდენიმე ქვეყანამ სუს-ის თანამშრომლები დააკავა და ერთ-ერთი მათგანი დღემდე დაჭერილია.