,,ახალი ვიცით კარტოფილი...“ - სააკაშვილისთვის პარტიიდან წასული წევრების არგუმენტი გაუგებარია

პოლიტიკა - 20:50, 31 May, 2015

2979

მიმდინარეობდა თუ არა კონსულტაციები პარტიიდან წასვლის შესახებ ,,ნაციონალური მოძრაობის“ ლიდერთან მიხეილ სააკაშვილთან. ექსპრეზიდენტი ,,იმედის კვირასთან“ ინტერიუში ამბობს, რომ არანაირი კონსულტაციები პავლე კუბლაშვილთან, ზურა ჯაფარიძესთან, გოგა ხაჩიძესთან და გოგი მელაძესთან არ ჰქონია და მისთვის უცნობია ის მიზეზები, რის გამოც მათ პარტია დატოვეს.

პარტიიდან წასული წევრების არგუმენტი, რომ საჭიროა განახლება, არ არის მისაღები სააკაშვილისთვის. მისი თქმით პოლიტიკაში მსგავსი გადაადგილება ყოველთვის ხდება და დღეს პარტიის წინაშე უფრო სერიოზული ამოცანები დგას, სააკაშვილი არ აპირებს ამ საკითხით მეტად დაინტერესებას. ექსპრეზიდენტი ამბობს, რომ 4 დეპუტატის წასვლა არ შეუქმნის პარტიას არც პარლამენტში და არც მის გარეთ.

,,არანაირი კონსულტაციები არ გვქონია და არც მქონდა ამის დრო. ჩვეულებრივი რამაა, პოლიტიკაში მიდიან და მოდიან. ახალი სახეების აღმოცენება, რას ნიშნავს, ნიახური ხომ არ არის? ხელოვნურად არ ხდება ეს. ახალი ვიცით კარტოფილი. ბევრი ახალი ხალხი მოვა, ზოგი ივარგებსზოგი არა. მთავარია იყოს ახალი შემართება, ახალი პოლიტიკა. საქართველოში ბევრი გამოცდილი პოლიტიკოსი გვყავს, უბრალოდ მათ უნდა ისწავლონ ახლებური მუშაობა. პოლიტიკურ ჭაობში ვიხარშებით და გვგონია, რომ პარტიიდან წავლა რამე სერიოზულია... ქართველი ხალხი ამაზე არ ფიქრობს, ხალხი ფიქრობს იმაზე ლუკმა-პური როგორ მოიპოვოს, რაში აინტერესებს, ვინ რომელ კაბინეტშია და სად წავა. ეს ვინ პოლიტიკაშია, იმათ გვგონია ხოლმე რომ მსოფლიო მათ გარშემოა და მათი წარბის აწევა არის იმხელა მოვლენა, რომ ყველამ მაგათზე უნდა იფიქროს“ - განაცხადა სააკაშვილმა.