რატომ გადაწყვიტა სააკაშვილმა ოდესის გუბერნატორობა

რატომ გადაწყვიტა სააკაშვილმა ოდესის გუბერნატორობა - ექსპრეზიდენტის პირველი ინტერვიუ

პოლიტიკა - 21:19, 30 May, 2015

5300

თოქშოუ ,,არჩევანის“ წამყვანმა გიორგი გაბუნიამ, მიხეილ სააკაშვილის ოდესის გუბერნატორად დანიშვნამდე რამდენიმე დღით ადრე, საქართველოს მესამე პრეზიდენტთან კიდევ ინტერვიუ ჩაწერა, რომელიც ვრცელი ვერსია, სამშაბათს გადაცემის ეთერში გავა.

მიხეილ სააკაშვილმა მის გადაწყვეტილებაზე ვრცლად ისაუბრა.

,,ამ სიტუაციაში არ დავთანხმდებოდი არც ვიცე-პრემიერობაზე არც მინისტრობაზე. ეს არ არის ის, რაც მიზიდავს. მაგრამ ეს ცოცხალი საქმეა, სადაც ყოველდღიურად უნდა იმუშაო უსაფრთხოებაზე, მტრის განზრახვების ნეიტრალიზაციაზე, კორუფციის აღკვეთაზე. იქ არის აღმოსავლეთ ევროპის ერთ-ერთი ყველაზე დიდი საბაჟო. ამავე დროს ინვესტიციების მოზიდვაზე და საერთაშორისო ურთიერთობების განვითარებაზე, მათ შორის საქართველოსთან. ეს არის ძალიან საინტერესო. მე მიყვარს ცოცხალი საქმე. ჩვენ რატომ დავიწყეთ ვარდების რევოლუციის შემდეგ სწრაფი რეფორმა? მანამდე ვიყავით სულ საქმეში. ჩვენ ვიყავით სასამართლო რეფორმაში, მე და ჩემი მეგობრები. ვანო და მისი ჯგუფი იყო მიწის რეფორმაში, თბილისის საკრებულოში, ვიყავი იუსტიციის მინისტრი. ჩვენ გვქონდა გამოცდილება ნამდვილი საქმის კეთების რაღაც სისტემაში, თუნდაც კორუმპირებულსა და გაფუჭებულში. როცა საქმეს არ აკეთებ, ხდება დეკვალიფიკაცია, კარგავ უნარებს. თუნდაც საქართველოს მომავლისთვის მნიშვნელოვანია, რომ მუდმივად ვიყოთ ნამდვილ საქმეში, თან ისეთ საქმეში, რომელიც საქართველოს არგია. არცერთ საქმეში ისე არ გამოადგებოდა საქართველოს, როგორც აქ“ - განაცხადა სააკაშვილმა.