„ნაციონალური მოძრაობის“ წევრის გიორგი ვაშაძის თქმით, ხელისუფლების ქმედებებზეა დამოკიდებული დატოვებს თუ არა მიხეილ სააკაშვილი პარტიის თავმჯდომარის პოსტს.

ამის შესახებ ვაშაძემ ჟურნალისტებთან საუბრისას განაცხადა.

„მიხეილ სააკაშვილის მიერ პარტიის თავმჯდომარეობის დატოვებაზე საუბარი ნაადრევია. ამაზე კომენტარს "ნაციონალური მოძრაობა" მხოლოდ მას შემდეგ გააკეთებს, რაც ხელისუფლება მიიღებს გადაწყვეტილებას სააკაშვილის მოქალაქეობის საკითხზე. ვფიქრობ, ამაზე პასუხი ხელისუფლებამ უნდა გასცეს - დართავენ თუ არა მიხეილ სააკაშვილს ორმაგი მოქალაქეობის შესაძლებლობას“, - განაცხადა ვაშაძემ.

მიხეილ სააკაშვილმა უკრაინის მოქალაქეობა მიიღო. ამის შესახებ უკრაინული მედია წყაროზე დაყრდნობით წერს.

სააკაშვილის მიერ უკრაინის მოქალაქეობის მიღების შესახებ სოციალურ ქსელებში უკრაინელი დეპუტატები, მუსტაფა ნაიემი და სერგეი ლეშენკოც წერენ.