პრეზიდენტის ადმინისტრაციის უფროსი დავით პატარაია იმედოვნებს, რომ იმ კონსენსუს, რაც საარჩევნო რეფორმასთან დაკავშირებით არსებობს, უმრავლესობის მხრიდან სათანადო გამოხმაურება მოჰყვება.

ამის შესახებ პატარაიამ პრეზიდენტის სასახლეში გამართული კონფერენციის დასრლების შემდეგ განაცხადა, სადაც საარჩევნო სისტემის რეფორმას განიხილავდნენ.

„პრეზიდენტი და პრეზიდენტის ინსტიტუტი ყოველთვის მოწოდებულია კონსენსუსისკენ, თანხმობისკენ და არა დაყოფისკენ. იმედი გვაქვს, რომ ამ უპრეცენდენტო კონსენსუსის ფაქტს სათანადო გამოხმაურება მოყვება საპარლამენტო უმრავლესობაში შემავალი პარტიების და არასამთავრობო ორგანიზაციების მხრიდან. სისტემა, რომელზეც კონფერენციაზე მიღებულ დოკუმენტშია საუბარი, პარლამენტში ამომრჩევლის ნების პროპორციულ ასახვას უზრუნველყოფს. ჩვენ გვაქვს იმედი, რომ ერთხელ და სამუდამოდ დასრულდება ის მუდმივი პრობლემა, რომელსაც ქართულ პოლიტიკურ ცხოვრებაში ბოლო პერიოდში აქვს ადგილი. ის სისტემა, რაზეც დოკუმენტშია საუბარი, უზრუნველყოფს პარლამენტში ამომრჩევლის ნების პროპორციულად ასახვას“, - აღნიშნა პატარაიამ და კონფერენციაზე გაფორმებული დოკუმენტი "უპრეცედენტო კონსენსუსად“ შეაფასა.