იმ შემთხვევაში თუ მიხეილ სააკაშვილი უკრაინის მოქალაქე გახდება, მას საქართველოში პოლიტიკური საქმიანობა აღარ შეეძლება.

ამის შესახებ "სამართლიანი არჩევნების" ხელმძღვანელმა ნინო ლომჯარიამ განაცხადა.

„კანონი ითვალისწინებს, რომ პოლიტიკურ საქმიანობას საქართველოში მხოლოდ ამ ქვეყნის მოქალაქე ეწეოდეს. შესაბამისად, უცხო ქვეყნის მოქალაქეს ეკრძალება პოლიტიკური მოღვაწეობა, წინასაარჩევნო კამპანიაში მონაწილეობა და ა.შ. თუ მიხეილ სააკაშვილმა დაკარგა საქართველოს მოქალაქეობა, ის ვერ შეძლებს საქართველოს პოლიტიკურ პროცესში მონაწილეობას", - განაცხადა ნინო ლომჯარიამ.

მიხეილ სააკაშვილმა უკრაინის მოქალაქეობა მიიღო. ამის შესახებ უკრაინული მედია წყაროზე დაყრდნობით წერს.

სააკაშვილის მიერ უკრაინის მოქალაქეობის მიღების შესახებ სოციალურ ქსელებში უკრაინელი დეპუტატები, მუსტაფა ნაიემი და სერგეი ლეშენკოც წერენ.