საზოგადოებრივ მოძრაობა „ივერიასა“ და ყოფილ „ნაციონალებს“ შორის კონსულტაციები არ ყოფილა.

ამის შესახებ „ივერიის“ ერთ-ერთმა დამფუძვნებელმა ნიკა რურუამ ჟურნალისტებთან საუბრისას განაცხადა.

თუმცა რურუამ მომავალში „ნაციონალური მოძრაობიდან“ წასულ ოთხეულთან ურთიერთობა არ გამორიცხა.

„ამ ოთხეული წასვლის მიზეზი ჩემთვის დღემდე გაუგებარია. ზუტად ვერ ახსნეს, თუ რატომ დატოვეს პარტია. არანაირი საფუძველი არ აქვს. რაც შეეხება საზოგადოება „ივერიასა“ და ყოფილი „ნაციონალების“ შესაძლო თანამშრომლობას, არანაირი ლაპარაკი არ არის ამაზე. არავისთან მოსაწვევი არ გაგვიგზავნია და არც თხოვნა მიგვიღია არავისგან“, - განაცხადა რურუამ.