ომბუდსმენი სასჯელაღსრულების მე-7 დაწესებულების გაუქმების ინიციატივით გამოდის.

ამის შესახებ ნანუაშვილმა რიგით მე-13 საჯარო დებატებზე წლიურ ანგარიშში ასახულ პრობლემებზე საუბრისას განაცხადა.

მან ხაზი გაუსვა პენიტენციალურ სისტემაში არსებულ ვითარებას და აღნიშნა, რომ პრობლემას პატიმრების გარდაცვალების ფაქტები წარმოადგენს.

„პრობლემას წარმოადგენს ის, რომ სასჯელაღსრულების დაწესებულებებში გარდაცვალების ფაქტმა გასულ წელს 27 შემთხვევა შეადგინა. რაც შეეხება დაწესებულებებში არსებულ პირობებს, ის ზოგადად გაუმჯობესებულია, თუმცა გამონაკლისია მე-7 დაწესებულება, სადაც გაუსაძლისი პირობებია და ჩვენ ვფიქრობთ, რომ ეს დაწესებულება უნდა გაუქმდეს“, - აღნიშნა უჩა ნანუაშვილმა.

სახალხო დამცველის საჯარო დებატები „ქორთიარდ მარიოტში“ მიმდინარეობს.