პრემიერი ირაკლი ღარიბაშვილი ფიქრობს, რომ ათონელის რეზიდენციაში გადასვლის გადაწყვეტილება პრეზიდენტმა თავად უნდა მიიღოს.

ამის შესახებ მან მთავრობის სხდომაზე განაცხადა.

პრემიერის თქმით, მისთვის მისასალმებელი იქნება, თუ გიორგი მარგველაშვილი აღნიშნულ რეზიდენციას გამოიყენებს.

"ეს შენობა მთავრობამ გაარემონტა და ააშენა პრეზიდენტისთვის, რისთვისაც 26 მილიონი დაიხარჯა. თუ პრეზიდენტი გამოიყენებდა მას საკუთარი რეზიდენციისთვის, ეს იქნებოდა მართლაც მისასალმებელი ჩემთვის. თუმცა ეს არის პრეზიდენტის გადასაწყვეტი და ჩვენ მთავრობა რაიმე მკვეთრ მოქმედებას ამასთან დაკავშირებით ვერ გავაკეთებთ. რა თქმა უნდა სახელმწიფოს არ აქვს ფუფუნება, რომ ასეთი ფეშენებელური და ძვირადღირებული შენობა დარჩეს უფუნქციოდ. რეზიდენციას ჩვენ ვერ გავყიდით, ასე რომ იმედი უნდა გამოვთქვათ, რომ ამ საკითხზე პრეზიდენტი გონივრულ გადაწყვეტილებას მიიღებს“, - განაცხადა პრემიერმა.