ვერანაირი "შეწუხებები" ვერ გაგვაჩერებს! - რურუა ხელისუფლებას აფრთხილებს

პოლიტიკა - 17:08, 28 May, 2015

2233

საზოგადოება ,,ივერიას“ ერთ-ერთი დამფუძნებელი - ნიკოლოზ რურუა “ივერიაში” აუდიტის სამსახურის შესვლას პოლიტიკურ შევიწროებას უწოდებს. როგორც, ნიკოლოზ რურუა “ნიუპოსტთან” საუბარში განმარტავს, ხელისუფლებას აშინებს, რომ ნაციონალური მოძრაობიდან წასული “ოთხეული” შესაძლოა საზოგადოებრივ მოძრაობა "ივერიას" შეუერთდეს.
რურუას არ გამორიცხავს რომ, აუდიტის სამსახურის მოულოდნელი გადაწყვეტილება შესაძლოა გეგმიურ შემოწმებასაც უკავშირდებოდეს. თუმცა როგორც საზოგადოება ,,ივერიას“ ერთ-ერთი დამფუძნებელი აცხადებს, ამგვარი “შეწუხებები” “ივერიას” მხოლოდ ძალას შემატებს და დამატებით პოპულარობასაც მოუტონს.
“ეს შეიძლება გეგმიური შემოწმება იყოს, რადგან გამოაგზავნეს წერილი და ინტერესდებიან საბუთებით, რომელიც შეიძლება ბუნებაშიც არ არსებობს. მე მაინც ვუკავშირებ ამას პოლიტიკურ შევიწროებას. ყველა გაიძახის რომ ის ნაციონალებიდან წასული 4 კაცი მოვა „ივერიაში“ ანუ ივერია გახლავთ ინტელექტუალური, პროფესიონალური და მაღალი კვალიფიკაციის მქონე ორგანიზაცია, რომელიც არის ოპოზიციური და ბუნებრივია ეს აშინებს ხელისუფლებას. მაგრამ ვერანაირი მაგგვარი „შეწუხებები“ ჩვენ ვერ გაგვაჩერებს და პირიქით შეგვმატებს ძალას, შემართებას და პოპულარობასაც" - განაცხადა ნიკოლოზ რურუამ.
საზოგადოება "ივერიაში" აუდუტის შესვლის შესახებ ინფორმაცია გუშინ, მისი ერთ-ერთი დამფუძნებლის, ნიკოლოზ ვაშაკიძის მიერ გავრცელდა. ვაშაკიძემ აღნიშნული ფაქტი ორგანიზაციის წევრის გრიგოლ ვაშაძის განცხადებას დაუკავშირა.

შეგახსენებთ, გრიგოლ ვაშაძემ რამდენიმე დღის წინ „ივერიის“ მხრიდან არჩევნებისთვის მზადება დაანონსა.