ინტერნეტ ტელევიზიებს შეზღუდვები უწესდებათ. ამის შესახებ ცნობილი პარლამენტში მიმდინარე სესიაზე გახდა, სადაც მაუწყებლის შესახებ კანონში შესატან ცვლილებებზე მსჯელობენ.

რა შეზღუდვებზეა საუბარი ჯერჯერობით დაკონკრეტებული არ არის. სხდომაზე შეზღუდვებთან დაკავშირებით ინიციატივა ჩიორა თაქთაქიშვილმა გააჟღრა და დაინტერესდა რა ცვლილებებზეა საუბარი, როდესაც კანონში ამაზე საუბარი არ არის.

„დღეს ირკვევა, რომ თურმე წესდება შეზღუდვები ინტერნეტტელევიზიებისთვის მაშინ, როცა კანონში ამის შესახებ არცერთ მუხლში არცერთ გვერდზე არ არის საუბარი," - აცხადებს ჩიორა თაქთაქიშვილი.

დეპუტატს ეკონომიკის მინისტრის მოადგილემ ნათია მიქელაძემ უპასუხა. მან სხდომათა დარბაზში განაცხადა, რომ შეზღუდვები კავკასუსსა და სილქნეტს ეხებოდა.

თაქთაქიშვილმა ამის შემდეგ მინისტრის მოადგილეს კანონპროექტიდან ნაწყვეტი ამოუკითხა, სადაც საუბარი იყო იმაზე, რომ შეზღუდვა შეეხებოდა არა კავკასუსა და სილქნეტს არამედ ინტერნეტ ტელევიზიებს.

ამის შემდეგ მიქელაძემ დრო ითხოვა და დეპუტატებს აღნიშნული ნორმის შესახებ დამატებითი ინფორმაციის მიწოდებას მაუწყებლობის შესახებ კანონის მეორე მოსმენით განხილვის დროს დაპირდა.